湖南白癜风QQ交流群 http://www.cgia.cn/news/chanye/1662179.html
<

上海老底子每天呈送精彩文章一组

打开尘封的记忆，寻觅往昔的岁月

叙上海老底子事忆上海老底子人

诉上海老底子情

讲讲老早“拆纱头”

来源：新民晚报-09-06

作者：侯宝良

播音：郁琴妹

词语注释：杨张悦、张林龙

点击下方收听音频，时长4分38秒。

整理衣橱个辰光翻出了交关旧个汗衫、坏脱个棉毛衫，捐出去勿像样，当揩布用也用勿脱，厾脱像啥是浪费。我自说自话（shysekshyhho自言自语）讲：拨伊“拆纱头（caksodhou把棉织品的碎片拆成细纱）”？又拿件坏脱领圈、袖子个棉毛衫齐胸剪脱，缝好一头讲：“拿拆下来个回丝（用来擦拭机器的细纱团，当抹拭油泥的抹布用。英语waste的音译）塞进去做只靠垫芯也勿推扳（tebe〈形〉差，差劲）嘛。”老妻讲，现在啥人还“拆纱头”？我讲拆就随手拆起来，还讲起老底仔厂里向还有人勿舍得用迭种“好回丝”揩机器。△劳动课上拆纱头(剪纸)/李建国

记得埃歇辰光社会浪有得专门机构收购针织厂、色织厂成衣裁剪下来勿好再用个边角料，批发拨里弄服务站，服务站再分配拨有得生活困难个人家，让伊拉手工拆成一团团纱线，再交回服务站经质检后按量计价，伊拉回收了再卖拨工厂。搿种纱线团就是回丝，辣辣厂里向可以用来揩机器设备，辣辣屋里向可以当揩布揩台子凳子。

△回丝

讲起“拆纱头”搿种介手工生活，虽然赚头勿大，但好坏也算一种福利性个赚钞票个途径，可以补贴家用，又勿需要啥技能，老老小小侪好做。再讲埃歇辰光邻舍（linso〈名〉邻居）道里就欢喜碰辣辣一道嘎三胡（ghasewhu聊天，谈山海经，侃大山。又写作“茄山河”），乃末正好帮忙拆，屋里个小囡嘛做完功课也来拆。大家坐辣一道，家长里短，南腔北调，嘴巴勿停、手里勿闲，一歇歇工夫就拆好一大堆。

“纱头”有两种：一种是汗衫、棉毛衫个边角料，搿种纱线细洁，算是“好回丝”；还有一种是从厚绒衣裤或者色织料拆下来个，各种颜色、质地个纱线混辣一道，品相就推扳了一眼，我伲叫伊“烂糊回丝”或者“粗回丝”。老底仔我辣工厂上班，到车间仓库里领回丝个票据也分成两种，一种可以领“好回丝”，一种可以领“粗回丝”。

因为各种纺织品个织法勿同，“拆纱头”当然有“好拆”、“难拆”之分，平针织法就好拆，寻到一根纱头拉出来，就可以一拉到底。难拆就要勿断寻纱头，外加还拉勿出长纱线，弄得心里老齁世（housy心里烦燥不快，难以名状的难受。俗写作“吼势、呴势”）个。我伲读小学个辰光，每个礼拜侪有劳动课，常庄有得“拆纱头”个生活（sanwhek〈名〉工作，手艺；活儿（主要指工业、农业、手工业方面的）。过去专指手艺或缝纫、刺绣等。生沪语读甥）。门槛精（menkejin很精明)个张强就专门拣好拆个面料，拆得快，常庄得到老师个表扬。其实伊拉屋里是“拆纱头”专业户，经验丰富呀。

想想勿管“拆纱头”还是别个外包工家庭个子女，伊拉个劳动观念侪要比经济条件富裕家庭个子女强，张强屋里是困难户，拆纱头就是伊拉个课外生活。伊后来自豪讲，伊拉兄妹几个就是靠“拆纱头”赚零用铜钿个。为了拆得快、拆得好，伊还开动脑筋，搞了勿少小创意小工具。

讲到搿搭，我手里个几件旧汗衫也已经拨拆成一大堆回丝了。看看搿堆回丝，心里蛮有成就感，讲：“老婆，侬看看叫，我伲拉讲讲言话、拆拆纱头，倒也拆仔一大堆了，做一只靠垫绰绰（读：嚓、擦、册、策、拆、坼、尺）有余了。”

作者侯宝良老师简介

侯宝良中国散文学会会员、上海市作家协会会员,经济师职称。

散文、随笔、故事作品散见于上海及各地的报刊、杂志和电台。在《新民晚报》各版面已刊载了一百多篇的文章，汇集出版了《我和飞燕有个约》，先后出版了散文集《弹街路》《弹街路续集》《申情难忘》，评论集《孰是孰非》。

多年来参与国内各类征文，其中《德娥》、《莲芸祈福》荣获第十六届、十八届中国月饼文化节征文的“一等奖”；《凝固的记忆》、《世博人家》、《三气定忠魂》《上海书展为我写好“上海闲话”》等先后获得上海移动十周年征文、上海“世博会”征文、上海第十七届读书节征文以及上海书展十周年征文的“二等奖”，还获得上海十六届国际艺术节、年第二十届上海国际电影节等的“最佳作品”奖、《做生活的强者》获年上海市民文化节改革开放四十年阅读中真善美征文的“十佳作品”。

△作者：侯宝良老师

朗读者简介

朗读者简介：

郁琴妹播音名(琴妹)

原宝山广播电视台一级播音员。从事播音工作42年。90年代初曾两次借调上海人民广播电台《对农村广播》做替播，与顾大伟老师、朱叶进老师搭档直播节目。

△郁琴妹老师

特别顾问简介：

张林龙，男，本乡本土本地人。现为

转载请注明:http://www.mamingzhez.com/lbtzz/25278.html